台灣囝仔歌

【本節目由文化部影視及流行音樂產業局補助播出】 *王金選老師&主持人張堯

序號
主持人
節目名稱
長度
分享
點播次數
Showing 1 to 50 of 99 (2 Pages)

20180216台灣囝仔歌99OK[一日+一個月]

張堯

《秋季的囝仔歌》〈一日〉
一日一日更一日,一日一日更一日,又更是禮拜日。一日過一日,一二三四五六七,算及七,就是禮拜日。
《春季的囝仔歌》〈一個月〉
一個月、一個月,一個月一個月一直過,一個月一個月 又更過,十二個月又更過,大家又更加一歲。


《秋季的囝仔歌》、《春季的囝仔歌》國語日報社出版

20180214台灣囝仔歌98OK[下哺+黃昏]

張堯

《冬季的囝仔歌》〈下晡〉
下晡若好天,下晡咱就去放風箏,順勢看蜻蛉,下晡若敗天,下晡咱就在次學寫字,明仔哉的功課乃準備。
《秋季的囝仔歌》〈黃昏〉
黃昏,日頭欲落山,黃昏,天色漸漸暗,黃昏─路燈一葩一葩著,黃昏─阿母暗頓煮竟桌。

《冬季的囝仔歌》、《秋季的囝仔歌》國語日報社出版

20180212台灣囝仔歌97OK[早時+中晝]

張堯

《冬季的囝仔歌》〈早時〉

懶惰吉仔誠懶惰,早時睏也有夠晏。早時睏若晏?早時睏及十點半,早時大家去趴山,僅單伊猶在攬被單。

《冬季的囝仔歌》〈中晝〉

中晝中晝,大家腹肚枵,有人中晝食水餃,有人中晝食飯包,有人中晝食鹹粿,中晝食飽纔來睏中晝。

《冬季的囝仔歌》國語日報社出版

20180209台灣囝仔歌96OK[厚薄+粗細]

張堯

《秋季的囝仔歌》〈厚‧薄〉

厚衫帶一領,薄衫帶一領,天氣若熱 穿薄衫,天氣若寒 套厚衫。

《秋季的囝仔歌》〈粗‧細〉

粗粗的石頭 刻一隻猴,細細的石頭 刻菜頭,刻粗石頭、刻細石頭,吾二伯,攏誠敖。

《秋季的囝仔歌》國語日報社出版

20180207台灣囝仔歌95OK[芳臭+新舊]

張堯

《夏季的囝仔歌》〈芳‧臭〉

芳花芳芳、芳瓜芳芳,芳水也芳芳,鼻著芳味人輕鬆。臭水臭臭、臭龜仔臭臭,臭屁也臭臭,大家鼻著起腳走。

《秋季的囝仔歌》〈新‧舊〉

新衫新褲新皮鞋,新枕頭、新棉被,攏是阿母新買的,舊衫舊褲舊布鞋,舊枕頭、舊棉被,想看欲送去何位?

《秋季的囝仔歌》、《夏季的囝仔歌》國語日報社出版

20180205台灣囝仔歌94OK[都市鄉下+高低]

張堯

《冬季的囝仔歌》〈都市‧莊下〉

都市誠多樓仔,城市誠多車。莊下誠多樹仔,莊下誠多山。莊下的人愛去都市。都市的人愛去莊下。

《冬季的囝仔歌》〈高‧低〉

雀鳥仔,有夠多,在樹仔頂跳高跳低。此隻跳高、彼隻跳低,彼隻跳高、此隻跳低,低低高高、高高低低,尹豈是在避相尋。

《冬季的囝仔歌》國語日報社出版

20180202台灣囝仔歌93OK[米苔目+鼎邊銼]

張堯

《點心攤》〈米苔目〉

大頭富仔 大頭殼,一二三四 不曉讀,後擺大漢 欲做啥?伊講欲去賣虛囉 米苔目。

《點心攤》〈鼎邊銼〉

阿土阿土遊玩,看到菜市場仔口,一攤鼎邊銼,鼎邊銼,氣味好,阿土哪吃哪稱讚,順煞包一碗,提轉去乎因阿祖。

《點心攤》台灣麥克出版

20180131台灣囝仔歌92OK[擔仔麵+什菜麵]

張堯

《點心攤》〈担仔麵〉

燒燙燙,香貢貢,担仔麵,歸碗公,阿通哪吃哪歕風;歕風呼呼叫,吃麵嗽嗽叫,大家哪看哪愛笑。

《點心攤》〈什菜麵〉

什菜麵,全全菜,有麵有菜真澎派:滷蛋豆干高麗菜,瘦肉花枝蝦仔及鹹菜,這碗麵,我上愛。

《點心攤》台灣麥克出版

20180129台灣囝仔歌91OK[蚵仔麵線+臭豆腐]

張堯

 

《點心攤》〈蚵仔麵線〉

阿婆在賣蚵仔麵線,一碗才賣七塊半,大家趕緊走來看,看看咧,閣有影,拄好鹹,拄好淡,一下仔子,阿婆就賣五大鼎。

《點心攤》〈臭豆腐〉

臭豆腐,攙泡菜,阿明仔,伊上愛。臭豆腐,香香閣臭臭,吃三盤,伊也閣嫌無夠。

《點心攤》台灣麥克出版

20180126台灣囝仔歌90OK[目周花花+鸚哥鳥]

張堯

《肥豬齁齁叫》〈目睭花花〉

目睭花花,蟾蜍看做水蛙;目睭花花,粉鳥看做密婆;目睭霧霧,猴山仔看做是阿舅。

《肥豬齁齁叫》〈鸚哥鳥〉

鸚哥鳥,鸚哥鳥,嘴曲曲,頭殼巧,學人講話,逐句攏會曉,我講一二三四五,伊講五六七八九。

《肥豬齁齁叫》格林文化出版社出版

20180124台灣囝仔歌89OK[嬰仔+燕仔]

張堯

《春季的囝仔歌》〈嬰仔〉

嬰仔嬰仔愛人搖,嬰仔嬰仔愛人惜,嬰仔嬰仔─腹肚若枵就哇哇叫,嬰仔嬰仔─若食飽,伊就笑。

《春季的囝仔歌》〈燕仔〉

春風輕輕仔吹,燕仔燕仔四界飛。燕仔燕仔穿烏衫,燕仔燕仔尾開叉,燕仔飛來更飛去,燕仔飛高更飛低。

《春季的囝仔歌》國語日報社出版

20180122台灣囝仔歌88OK[桃花+一隻蝶仔]

張堯

《春季的囝仔歌》〈桃花〉

桃花桃花 誠多欉,桃花若開 粉紅仔粉紅,桃花開也誠大片,竟個春天,誠迷人。

《紅龜粿》〈一隻蝶仔〉

一隻蝶仔,兩隻蜂,三隻蒼蠅,四隻蚊,相招欲香港,飛五工,煞飛去台中港。

《春季的囝仔歌》國語日報社出版、《紅龜粿》信誼基金出版社出版

20180119台灣囝仔歌87OK[日頭花+蓮花]

張堯

《夏季的囝仔歌》〈日頭花〉

日頭花,若日頭,日頭花,愛看日頭;日頭若在此頭,日頭花就看此頭;日頭若在彼頭,日頭花就看彼頭。

《夏季的囝仔歌》〈蓮花〉

次前一窟蓮花池,蓮花開也滿滿是;蓮花一蕊更一蕊,近百蕊、近千蕊,蓮花有夠多,蓮花有夠秀。

《夏季的囝仔歌》國語日報社出版

20180117台灣囝仔歌86OK[油桐花+圓仔花]

張堯

《春季的囝仔歌》〈油桐花〉

油桐花,花白白,油桐花,花細細,風若吹─油桐花,落誠多,一蕊一蕊落了地,若像在落雪。

《春季的囝仔歌》〈圓仔花〉

圓仔花,在何位?公園內,種誠多;圓仔花,種在茲,圓仔花,種在彼;圓仔花,若圓仔,會當看,未當食。

《春季的囝仔歌》國語日報社出版

20180115台灣囝仔歌85OK[指甲花+見笑草]

張堯

《指甲花》〈指甲花〉

番鴨 番鴨,挽指甲花擦指甲;擦腳盤,擦腳縫,歸隻腳,紅紅紅。

《指甲花》〈見笑草〉

見笑草,驚歹勢,摸一下,葉仔就合做伙,頭殼就低低低。

《指甲花》信誼基金出版社出版

20180112台灣囝仔歌84OK[芭樂+芒果]

張堯

《指甲花》〈挽芭樂〉

猴仔帶猴仔,偷挽芭樂,芭樂欉,躲一尾蟲,猴仔經一咧顛倒迸,尻穿頓一咧變兩爿。

《指甲花》〈挵檨仔〉

稍許酸,稍許甜,土檨仔在大路邊,囝仔竹篙舉一枝,金金相,頭敧敧,要挵三粒來做鹹酸甜。

《指甲花》信誼基金出版社出版

20180110台灣囝仔歌83OK[木瓜+柳丁]

張堯

《冬季的囝仔歌》〈木瓜〉

木瓜木瓜 種在吾次邊,木瓜木瓜 高高及半天,木瓜逐粒青青青,後來變黃黃、變甜甜。

《冬季的囝仔歌》〈柳丁〉

阿清阿清,阿清愛食柳丁,柳丁抗也竟次間,朋友若來,阿清攏請尹食柳丁,大家也變也愛食柳丁。

《冬季的囝仔歌》國語日報社出版

20180108台灣囝仔歌82OK[蘋果+枇杷]

張堯

《春季的囝仔歌》〈蘋果〉

青青的蘋果,紅紅的蘋果,甜甜的蘋果,脆脆的蘋果,好看的蘋果,好食的蘋果。

《春季的囝仔歌》〈枇杷〉

枇杷園,種枇杷,枇杷樹,生枇杷。枇杷一頭大一頭細,更有金黃色的皮。枇杷誠多汁,甜蜜蜜,攏不澀。

《春季的囝仔歌》國語日報社出版

20180105台灣囝仔歌81OK[心適歌+檳榔樹]

張堯

《指甲花》〈心適歌〉

第一心適,猴山仔種麻竹;第二心適,麻竹煞變紅色;第三心適,原來是一枝紅蠟燭;上介心適,紅蠟燭摕來點紅送阿叔。

《夏季的囝仔歌》〈檳榔樹〉

檳榔樹,誠大欉,伊合椰子樹無啥仝。檳榔樹,生檳榔,一欉幾粒誠叵算。檳榔樹有的種在山頂,有的種在檳榔園。

《指甲花》信誼基金出版社出版、《夏季的囝仔歌》國語日報社出版

20180103台灣囝仔歌80OK[竹仔+甘蔗]

張堯

《夏季的囝仔歌》〈竹仔〉

竹仔竹仔定定定,竹仔竹仔誠好用。竹仔做門,竹仔做眠床,竹仔做椅仔,竹仔也會當做籠床。

《指甲花》〈甘蔗〉

甘蔗皮 黑漉漉,甘蔗墨 硬确确,甘蔗長趠趠,看起來像竹篙,齧甘蔗,免用甘蔗刀,吃甘蔗,着呸甘蔗粕。

《夏季的囝仔歌》國語日報社出版、《指甲花》信誼基金出版社出版

20180101台灣囝仔歌79OK[目鏡錶仔+膨椅地毯]

張堯

《秋季的囝仔歌》〈目鏡‧錶仔〉

我有一副目鏡,我有一粒錶仔。錶仔掛乎好,目鏡掛乎正,阿爸欲率我,去荷人請。

《春季的囝仔歌》〈膨椅‧地毯〉

此組膨椅、此領地毯,看起來誠好。彼領地毯、彼組膨椅,看起來誠秀。若欲買膨椅、買地毯,不知要開幾萬?

《秋季的囝仔歌》、《春季的囝仔歌》國語日報社出版

20171229台灣囝仔歌78OK[掃帚畚箕+垃圾車]

張堯

《秋季的囝仔歌》〈掃帚‧畚箕〉

你先用掃帚 給坌掃掃一堆,我用掃帚給坌掃 掃入去畚箕,有掃帚,有畚箕,四界攏誠清潔。

《秋季的囝仔歌》〈坌掃車〉

坌掃車、坌掃車,叮叮噹噹會唱歌。坌掃車、坌掃車,街仔路,四界行。坌掃車,嘴闊闊,坌掃伊上愛食。

《秋季的囝仔歌》國語日報社出版

20171227台灣囝仔歌77OK[電火電線+電鍋電子鍋]

張堯

《秋季的囝仔歌》〈電火‧電線〉

緊來看、緊來看,水電師父 在兜電火、牽電線,此粒電火接彼條電線,彼個開關接此條電線,電火又更光又更好看。

《夏季的囝仔歌》〈電鍋‧電子鍋〉

用電鍋煮飯,用電子鍋炊蛋;電鍋、電子鍋 攏總要插電,電鍋誠方便,電子鍋也誠方便。

《秋季的囝仔歌》、《夏季的囝仔歌》國語日報社出版

20171225台灣囝仔歌76OK[熱水器+洗髮精]

張堯

《夏季的囝仔歌》〈熱水器〉

熱水器,誠利便,有的熱水器焚瓦斯,有的熱水器要著電;熱水器,焚燒水,洗身軀、洗腳腿,清潔囝仔上婐媠。

《冬季的囝仔歌》〈洗髮精〉

阿英阿英 去買洗髮精,洗髮精,抗諸浴間,洗髮精,大家公家用;洗髮精一罐一罐芳芳,洗頭毛洗也鬆鬆鬆。

《夏季的囝仔歌》、《冬季的囝仔歌》國語日報社出版

20171222台灣囝仔歌75OK[洗衫粉+衫仔櫥]

張堯

《春季的囝仔歌》〈洗衫粉〉

洗衫粉提來洗衫,洗衫粉 提來洗被單,洗衫粉誠多泡。洗衫機洗衫、洗被單,也洗厚、也洗薄。

《冬季的囝仔歌》〈衫仔廚〉

衫仔廚誠好看,衫仔廚有一面鏡,我開衫仔廚提衫,乃換衫、乃照鏡,嗯─此領外衫誠好看。

《春季的囝仔歌》、《冬季的囝仔歌》國語日報社出版

20171220台灣囝仔歌74OK[襪仔+木屐拖仔]

張堯

《夏季的囝仔歌》〈襪仔〉

一個袋仔貯藏誠多襪仔,長襪仔、短襪仔,黑襪仔、白襪仔,紅襪仔、花襪仔,此個袋仔的形 是大大大的襪仔。

《夏季的囝仔歌》〈木屐‧拖仔〉

一個囝仔誠趣味,一腳穿木屐、一腳穿拖仔,其阿嬤,叫伊換,伊講不免換不免換,一腳木屐、一腳拖仔,也是誠好看。

《夏季的囝仔歌》國語日報社出版

20171218台灣囝仔歌73OK[喙+喙齒]OK

張堯

《春季的囝仔歌》〈喙〉

喙會食飯,喙會啉茶,喙會講話,也有人的喙,學鳥仔講話,更會歕鼓吹。

《秋季的囝仔歌》〈喙齒〉

齒科醫生 給我看喙齒,講我的喙齒誠秀,只是有一齒蛀齒,伊給我補喙齒,叫我後擺要接洗喙。

《春季的囝仔歌》、《秋季的囝仔歌》國語日報社出版

20171215台灣囝仔歌72OK[木耳+耳朵]

張堯

《夏季的囝仔歌》〈木耳〉

木耳木耳,發在柴棵頂面,若像咱的雙邊耳。木耳一枚一枚,木耳炒薑絲,阿嬤上合意。

《夏季的囝仔歌》〈耳仔〉

耳仔耳仔恬恬聽,彼是什麼聲?耳仔耳仔恬恬聽,彼是溪仔水在唱歌,溪水有時辰攏無聲,有時辰,足大聲。

《夏季的囝仔歌》國語日報社出版

20171213台灣囝仔歌71OK[腰+指頭仔]

張堯

《夏季的囝仔歌》〈腰〉

大姑大姑 腰粗粗,二姑二姑 腰大魁,三姑的腰 若像一個游泳圈。

《冬季的囝仔歌》〈指頭仔〉

指頭仔,有十支,指頭仔,若兄弟。指頭仔會曉舉箸食麵,指頭仔會曉舉筆寫字。十支指頭仔,會曉做誠多大事。

《夏季的囝仔歌》、《冬季的囝仔歌》國語日報社出版

20171211台灣囝仔歌70OK[象+身軀]

張堯

《冬季的囝仔歌》〈象〉

大象大象諸大魁,洗身軀 豈要用一箱茶塊?大象大象鼻仔長,若欲睏 豈要用五張大眠床?

《夏季的囝仔歌》〈身軀〉

大象、大象,身軀大大魁,身軀粗粗粗,大象身軀若烏烏,大象去洗身軀,豈要用三箱茶顆。

《夏季的囝仔歌》、《冬季的囝仔歌》國語日報社出版

20171208台灣囝仔歌69OK[金魚+海豬仔]

張堯

《紅龜粿》〈金魚〉

金魚 金魚,翹嘴唇,穿一領絲仔裙,歸工目睭金金,不知是咧睏,還是咧看船?

《夏季囝仔歌》〈海豬仔〉

海豬仔海豬仔不是豬,海豬仔海豬仔誠婐媠;海豬仔海豬仔敖泅水,海豬仔表演誠趣味,上愛看的是吾小弟。

《紅龜粿》信誼基金出版社出版、《夏季囝仔歌》國語日報社出版

20171206台灣囝仔歌68OK[鱷魚+龜]

張堯

《冬季的囝仔歌》〈鱷魚〉

鱷魚鱷魚,喙齒尖尖喙大大,鱷魚鱷魚,愛食魚仔愛食肉,鱷魚恬恬匐在彼,我也愛看也會驚。

《冬季的囝仔歌》〈龜〉

一隻龜,兩隻龜,三隻龜,水池仔內有三隻龜,三隻龜有時辰在肫龜,三隻龜有時辰洗身軀。

《冬季的囝仔歌》國語日報社出版

20171204台灣囝仔歌67OK[露螺+青蛙]

張堯

《紅龜粿》〈露螺〉

露螺 露螺,無腳會爬,無手會啉茶,有眠床,無棉被,有厝無土地,一間厝背咧戇戇旋。

《紅龜粿》〈水蛙厚話〉

水蛙水蛙,見面厚話,講阮大姊,講恁小妹,講東講西,講天講地,愈講愈花,愈講愈多。

《紅龜粿》信誼基金出版社出版

20171201台灣囝仔歌66OK[金龜+蟬]OK

張堯

《紅龜粿》〈金龜〉

金龜 金龜,曲痀 曲痀,身軀若龜,不企會踞,飛去樹仔頂,食飽就盹痀。

《紅龜粿》〈蟬〉

一隻蟬,大舌大舌,一二三四,算不離,卡算攏是「一一一……」。

《紅龜粿》信誼基金出版社出版

20171129台灣囝仔歌65OK[螞蟻移位+家蚻]

張堯

《紅龜粿》〈螞蟻徒位〉

螞蟻巢,欲徒位,出門帶棕簑,棕簑無地借,舉一枝芋仔葉,雨來澆不著。

《秋季的囝仔歌》〈家蚻〉

家蚻家蚻六支腳,家蚻時常四界行;家蚻會趴壁,家蚻會偷食,家蚻有時避諸櫥仔下,家蚻有時徐入吾灶下。

《紅龜粿》信誼基金出版社出版、《秋季的囝仔歌》國語日報社出版

20171127台灣囝仔歌64OK[老鼠]

張堯

《紅龜粿》〈老鼠〉

老鼠 老鼠,三更半暝 偷食米,食著芭樂籽,嘴齒落三齒。

《秋季的囝仔歌》〈鳥鼠〉

鳥鼠鳥鼠長尾閣,鳥鼠鳥鼠尖喙齒,鳥鼠鳥鼠 偷食瓜籽,鳥鼠聽著貓仔聲,就趕緊走去避。

《紅龜粿》信誼基金出版社出版、《秋季的囝仔歌》國語日報社出版

20171124台灣囝仔歌63OK[一陣虎+黑猩猩]

張堯

《肥豬齁齁叫》〈一陣虎〉

樹林內,一陣虎,一隻瘦比巴,一隻大腹肚;一隻面膨膨,一隻面脯脯;一隻尾溜長長長,一隻腳骨粗粗粗,攏在樹下吃肉酥。

《肥豬齁齁叫》〈黑猩猩〉

黑猩猩,衫黑黑,走去挖蕃薯塊;羊咩咩,衫白白,走去拗番麥;紅毛蟹,衫紅紅,走去剪布帆;水蛙衫青青,跳著跳著跳去溝仔邊。

《肥豬齁齁叫》格林文化出版社出版

20171122台灣囝仔歌62OK[肥豬齁齁叫]

張堯

《肥豬齁齁叫》〈肥豬齁齁叫〉

這隻豬,敖吃餿,一工愛吃百外斤,齁齁叫,一直吞,豬槽仔肉,剩菜剩湯 吃甲攏無春。

《肥豬齁齁叫》〈大豬公〉

大豬公,穿皮鞋,透早賣清糜,半晡賣紅茶;中晝做豆花,下晡種木瓜;欲暗仔賣碗粿,暗時夜市賣甜粿,三更半暝閣去修理電火。

《肥豬齁齁叫》格林文化出版社出版

20171120台灣囝仔歌61OK[大水牛+憨水牛]

張堯

《紅龜粿》〈大水牛〉

大水牛,講話大大聲,觸人痛痛痛,白翎鷥,攏不驚,爬起伊的胛脊背。

《肥豬齁齁叫》〈憨水牛〉

憨水牛,叩叩闖,追鵝追甲 攙大象相碰,碰一咧頭殼煞暈暈,暈暈暈暈變閣卡憨,看著塑膠管,就欲掠狂。

《紅龜粿》信誼基金出版社出版、《肥豬齁齁叫》格林文化出版社出版

20171117台灣囝仔歌60OK[前後左右+東西南北]

張堯

《夏季的囝仔歌》〈前後左右〉

頭前種蘭花,後壁種桂花,左右兩邊 種玫瑰、種菊花,風若一下吹,前後左右芳味四界飛。

《夏季的囝仔歌》〈東西南北〉

東邊種冬瓜,西邊種西瓜,南邊種金瓜,北邊種木瓜,中央種一寡,匏仔合菜瓜。

《夏季的囝仔歌》國語日報社出版

20171115台灣囝仔歌59OK[圓+直]

張堯

《春季的囝仔歌》〈圓‧扁〉

紅圓仔,圓圓,白圓仔,也圓圓,圓仔圓仔搓圓圓。肉餅,扁扁,酥餅,也扁扁,大家食也誠歡喜。

《春季的囝仔歌》〈直‧曲〉

竹仔枝,直直,直直若像一枝筆,直直若像一字「一」。柳樹枝,曲曲,是不是風來給調,無哪會變曲曲?

《春季的囝仔歌》國語日報社出版

20171113台灣囝仔歌58OK[雨傘+雨鞋]

張堯

《秋季的囝仔歌》〈雨傘〉

天烏烏,落大雨,緊舉雨傘來遮雨,雨傘雨傘,有青有花也有鳥,若像秀秀的花,一蕊一蕊開在大車路。

《冬季的囝仔歌》〈雨衣‧雨鞋〉

黃雨衣,黃黃黃,黃雨鞋,黃黃黃,雨衣、雨鞋壁邊抗,落雨天,誠好用,雨衣、雨鞋穿好纔出門。

《秋季的囝仔歌》、《冬季的囝仔歌》國語日報社出版

20171110台灣囝仔歌57OK[虎姑婆+狐狸子]

張堯

《肥豬齁齁叫》〈虎姑婆〉

虎姑婆,好嘴斗,一粒肉包,兩塊麻荖,三碗爌肉,四盤水餃,五條俗粄,六桶仙草,七分鐘就吃了了。

《肥豬齁齁叫》〈狐狸子〉

狐狸子,偷吃餅,肉餅油律律,吃肉骨;肉骨硬倥倥,吃便當;便當冷枝枝,吃花枝;花枝韌脯脯,吃甲欲吐欲吐。

《肥豬齁齁叫》格林文化出版

20171108台灣囝仔歌56OK[吃肉丸+肉粽]

張堯

《點心攤》〈吃肉丸〉

人高高,來吃肉丸;人矮矮,來吃碗粿;人巧巧,來吃水餃;人憨憨,行路都會甲人相碰。

《點心攤》〈肉粽〉

米QQ,葉香香,蛋仁土豆栗子,鬆鬆─ 蝦米精肉蔥頭,香香─ 這攤的肉粽上介香。

《點心攤》台灣麥克股份有限公司出版

20171106台灣囝仔歌55OK[跳索仔+牛奶]

張堯

《夏季的囝仔歌》〈跳索仔〉

阿兄阿兄,誠敖跳索仔,阿兄教我跳索仔。我學一下仔,也會曉跳索仔,我合阿兄做陣跳索仔。

《夏季的囝仔歌》〈牛奶‧米奶〉

阿兄愛啉牛奶,阿姊愛啉米奶,我上愛啉豆奶。阿爸講此款店,咱也來開一間,來賣牛奶米奶合豆奶。

《夏季的囝仔歌》國語日報社出版

20171103台灣囝仔歌54OK[咱+伊]

張堯

《春季的囝仔歌》〈咱〉

咱來去山頂,咱來去山頂,唱歌、看風景,順勢挽龍眼,龍眼若挽遂,咱更來去食冰。

《秋季的囝仔歌》〈尹〉

尹送咱芳花,咱送尹木瓜,尹送咱番麥,咱送尹枇杷。尹請咱啉紅茶,咱請飲食鹹糜。

《春季的囝仔歌》、《秋季的囝仔歌》國語日報社出版

20171101台灣囝仔歌53OK[吾我+您]

張堯

《春季的囝仔歌》〈吾‧我〉

吾阿爸,在送批,吾阿母,在種花。我今年,纔七歲,我上愛,食木瓜。我會曉家己穿布鞋,我會曉家己摺棉被。

《夏季的囝仔歌》〈您〉

您欲去何位?您欲做啥麼?你若欲去炕番薯,我就逮您去;你欲去捊金魚,我就無欲逮您去。

《春季的囝仔歌》、《夏季的囝仔歌》國語日報社

20171030台灣囝仔歌52OK[趣味歌+不得了]

張堯

《肥豬齁齁叫》〈趣味歌〉

趣味歌,真趣味,兔仔賣粉圓,猴山仔賣紅柿;厝尾頂,貓仔咧烘魚,老鼠值咧爌蕃薯。

《肥豬齁齁叫》〈不得了〉

不得了囉,不得了!你牽牛 我牽狗 伊牽一隻大粉鳥;粉鳥飛去因兜大門口,恁那隻牛跟去偷吃草,阮的狗在因兜客廳 扒輪斗,咱攏去了了!

《肥豬齁齁叫》格林文化出版社出版

20171027台灣囝仔歌51OK[土狗+鳥仔]

張堯

《肥豬齁齁叫》〈土狗仔〉

土狗仔,六支鬚,水溝掠魚溜,魚溜滑滑滑,爬起溝仔頂撿肉骨,肉骨油油油,吃甲嘴鬚結歸球。

《紅龜粿》〈鳥仔和狗仔〉

一隻鳥仔,飛到門口,挵著狗仔。狗仔吠,鳥仔哮,鳥仔哮,狗仔走。

《肥豬齁齁叫》格林文化出版社出版、《紅龜粿》信誼基金出版社出版

20171025台灣囝仔歌50OK[黑貓]

張堯

《肥豬齁齁叫》〈黑貓黑漆漆〉

黑貓黑漆漆,暗時行路人看無,在厝尾頂賴賴走,喵喵喵,阿婆阿婆,驚一咧,嚇一跳。

《紅龜粿》〈戇烏貓〉

戇烏貓,頭殼底石頭;不食魚,欲食柴頭;不掠老鼠,欲掠猴;暗時講欲 曝日頭。

《肥豬齁齁叫》格林文化出版社出版、《紅龜粿》信誼基金出版社出版

『台灣囝仔歌』也就是台灣閩南語童謠,是台灣早期農業生活中,孩子們的心靈嬉戲玩伴。歌謠中,有著農村的簡單樸質、詼諧逗趣,具有節奏感、音樂性,是非常容易琅琅上口的語言學習遊戲。

王金選老師,1964年生於台中新社,是個富有鄉土氣息、善良質樸、熱心可愛的「古意人」,擅長兒歌、漫畫、插畫等創作。王老師的「囝仔歌」中有著童年鄉村生活的美好時光,傳承了老祖先的生活文化經驗、語言智慧,以及台灣傳統民俗文化。

每週一、三、五下午三點,請鎖定FM97.7《台灣囝仔歌》

王金選老師與主持人張堯將帶著你在歡笑聲中唸唱台語童謠,輕鬆學「台語」一同認識台灣的鄉村文化生活開啟對生活親情與鄉土情感的大門